Осиё тараққиёт банки Ўзбекистон соғлиқни сақлаш соҳаси учун 100 миллион доллар ажратади

Иқтисодиёт 15:45 / 03.08.2020 6288

Маблағ келаси икки йил давомида тест ўтказиш тизими, ташхислаш ва Covid-19 ҳолатларига реакция қилишни яхшилаш учун ажратилади. Бу ҳақида ташкилот матбуот хизмати хабар берди.

«Covid-19 пандемияси ривожланаётган эпидемиологик сценарий ва даволаш усуллари билан фавқулодда миқёс ва характерга эга. Мамлакат соғлиқни сақлаш тизимининг сифати, хавфсизлик стандартлари, протоколлари ва хизматларини яхшилаш орқали мазкур лойиҳа Ўзбекистон аҳолисини Covid-19 ва келажакда саломатликка таъсир қилиши мумкин бўлган таҳдидлардан ҳимоя қилишга ёрдам беради. Ушбу лойиҳа ОТБ томонидан мамлакатга ажратилаётган қўллаб-қувватлаш комплекс пакетининг бир қисми ҳисобаланади. У ҳукуматнинг инқирозга қарши чора-тадбирлари ва жорий техник ёрдам учун 500 миллион доллар миқдоридаги қарзни ҳам ўз ичига олади», ОТБ вице-президенти Шисинь Чен.

Кенгаш маъқуллаган тақдирда Осиё инфратузилмавий инвестициялар банки мазкур лойиҳа учун 100 миллион доллар миқдорида, Ўзбекистон ҳукумати эса яна 57 миллион доллар миқдорида маблағ ажратади.

«Covid-19’га тезкор реакция қилиш» лойиҳаси мамлакат бўйлаб 38та лабораторияларда Covid-19 ва у билан боғлиқ касалликларга тест олиш имкониятларини кенгайтиришни қўллаб-қувватлайди. Лойиҳа доирасида тиббиёт ходимлари учун хавфсиз ишлаш шароитларини таъминлаш ва уларни индивидуал ҳимоя ва бошқа тиббиёт буюмлари билан таъминлаш учун лабораториялар таъмирланади.

80 фоиздан ортиғини аёллар ташкил қилувчи тиббиёт ходимлари ва касалликни юқтириш хавфи юқори бўлган муассаса ходимларига диагностика хизматларидан фойдаланишда устуворликлар тақдим этилади.

Лойиҳа доирасида эпидемиологик кузатув ва Covid-19’га реакция қилишнинг рақамли миллий тизими яратилади. У маълумотларни ёш ва жинсга ажратган ҳолда тақдим этади. Шунингдек, тиббиёт ходимлари мазкур тизимдан фойдаланиш бўйича ўқитилади. Бу эса Ўзбекистонга Covid-19 ҳолатларини аниқлаш ва контактларни кузатиш, скрининг, тестдан ўтказиш, яккалаш ва мамлакат бўйлаб тарқалишининг олдини олиш имкониятларини кенгайтиради. Лойиҳа тиббий протоколларни ишлаб чиқиш ва эълон қилиш, соғлиқни сақлаш соҳаси ходимларининг беморларни даволайдиган бирламчи бўғини ва шахсларини ўқитиш, COVID-19 касаллигининг потенциал ҳолатларини аниқлаш ва уларга мос келувчи тавсияларни тақдим этишда ёрдам беради. Скрининг ва лабораторияларда намуналарни тўплаш ва ташиш биллан боғлиқ жараёнлар кучайтирилади.

16та Covid-19 даволаш марказлари, жумладан, юқумли касалликлар бўйича 14та минтақавий касалхоналар ва иккита миллий даражадаги касалхоналар ходимлар томонидан беморларга янада яхши хизмат кўрсатиш ва беморларни ёш ва жинсига қараб ажратиш учун таъмирланади. Covid-19’ни даволашга мўлжалланган марказлар сифатида интенсив даволашни кенгайтириш ва қўшимча тез ёрдам автомобиллари билан таъминлаган ҳолда ушбу касалхоналардаги қурилмалар модернизация қилинади. Ходимлар инфекцияларни профилактика ва назорат қилиш, хавфсизлик ва беморларга сифатли хизмат кўрсатиш бўйича ўқитилади.

«Covid-19’га тест топшириш ва уни кузатиш тизимини яхшилаш, шунингдек, келаси икки йил давомида мамлакатдаги лаборатория ва касалхоналарни аста-секин янгилаш орқали мазкур лойиҳа Ўзбекистон соғлиқни сақлаш тизимига муҳим сармояни тақдим этади. Бу эса Covid-19’га чалинган оддий фуқаролар, жумладан аёллар учун фойдали бўлади», деди ОТБнинг соғлиқни сақлаш бўйича мутахассиси Хиддо Хуитцинг.

Лойиҳани амалга ошириш зудлик билан бошланади ва 2022 йилнинг июль ойида якунланиши керак. Ўзбекистон Соғлиқни сақлаш вазирлиги ва Санитария-эпидемиологик осойишталик агентлиги лойиҳани бажарувчи органлар саналади.

Кўпроқ янгиликлар