Qulay va xavfsiz lift qurilmasi o‘rnatmoqchimisiz? U elektr energiyasini tejab sarflashini istaysizmi? Harakatlanganda ortiqcha noqulaylik bo‘lmasa, shovqin va vibratsiya eshitilmasa yana ham yaxshi, to‘g‘rimi?
Unda siz Yuma Lift korxonasi mahsulotlaridan foydalanishingiz mumkin. Yuma Lift siz istagan qulaylikdagi va didingizga mos dizayndagi lift qurilmalarini taqdim etadi.
Markaziy Osiyo bozorida yetakchiga aylanishni maqsad qilgan Yuma Lift korxonasi yo‘lovchi, kasalxona va yuk tashish liftlarini ishlab chiqarish bilan shug‘ullanadi. Shuningdek,korxonada lift qurilmalarini yetkazib berish va xizmat ko‘rsatish servislari ham mavjud.
Korxona o‘z sohasida chuqur bilim va katta tajribaga ega bo‘lgan mutaxassislarni jamlagan. Har bir xodim dunyoning yetakchi korxonalarida soha bo‘yicha ko‘nikmalarni o‘zlashtirgan. Ular doimiy ravishda sohadagi yangi tendensiyalar, nou-xau texnologiyalarini o‘zlashtirib borishadi, har bir xodim o‘z ishining professionali. Bu esa har qanday murakkablikdagi mahsulot va xizmatlarning ishonchli va sifatli tarzda taqdim etilishini kafolatlaydi.
Yuma Lift mahsulotlari allaqachon ko‘plab turar joy, jamoat va ma'muriyat binolaridan joy olib, aholiga sifatli xizmat ko‘rsatmoqda. Siz o‘z ehtiyojlaringizdan kelib chiqqan holda:
yo‘lovchi (1600 kg.gacha);
yuk (5000 kg.gacha);
kasalxona uchun mo‘ljallangan (1600 kg.gacha);
oshxona uchun mo‘ljallangan (200 kg.gacha) liftlarga buyurtma berishingiz mumkin. Har bir mijozning istak va ehtiyojlariga individual tarzda yondashiladi. ARD tizim (yo‘lovchilar evakuatsiyasining takomillashgan tizimi), videokuzatuv kameralari, personal xaritalardan foydalanish imkoniyati kabi qo‘shimcha funksiyalarga ega bo‘lgan istalgan og‘irlikdagi va tezlikdagi (4 m/s.gacha) lift qurilmalariga ham buyurtma berish mumkin. Barcha liftlar seysmik bardoshlilik standartlariga to‘la javob beradi.
Yuma Lift lift qurilmalarini ishlab chiqarish bilan bir qatorda ularni montaj va demontaj qilish, dispetcherizatsiya, ekspluatatsiyaga kiritish, texnik ta'mirlash, texnik ko‘rik, sozlash kabi professional darajadagi xizmatlarni ham taqdim etadi.
Lift qurilmalarini ishlab chiqarishda AQSh, Germaniya, Ispaniya, Tayvan, Janubiy Koreya kabi yetakchi davlatlarda tayyorlangan sifatli zaruriy qismlar va asboblardan foydalaniladi.
Yana bir muhim jihat. Korxona o‘z sinov binosiga ega bo‘lib, bu yangi mahsulotni ishlab chiqarishda uni test rejimida sinab ko‘rish, kamchiliklarni o‘z vaqtida aniqlab bartaraf etish, dizayn, qulaylik va xavfsizlik nuqtai nazaridan takomillashtirish imkonini beradi.
Yuma Lift mahsulotlaridan foydalaning va xavfsizlik, qulaylik, tejamkorlik uyg‘unligidan bahramand bo‘ling.
