Bu haqda «Interfaks-Qozog‘iston» agentligiga «QazTrade savdo siyosatini rivojlantirish markazi» AJ matbuot xizmati ma'lum qildi.

«O‘zaro savdo hajmining salbiy o‘sishi Qozog‘iston eksportining kamayishi bilan bog‘liq. Joriy yilning I choragida neft mahsulotlari, mis rudalari, kungaboqar urug‘lari kabi mahsulotlar eksporti kamaydi», - deyiladi xabarda.

Hisobot davrida Qozog‘iston tovarlarining O‘zbekistonga eksporti 5,2 foizga kamayib, 464,8 million dollarni tashkil qildi. Shu bilan birga, Qozog‘istondan O‘zbekistonga import 12,2 foizga o‘sib, 147,2 million dollarga yetdi.

Taqdim etilgan ma'lumotlarga ko‘ra, O‘zbekistonga eksportning pasayishi neft mahsulotlari (4,8 baravarga - 7,6 mln. AQSh dollarigacha), mis rudalari va konsentratlarning (44 baravar, 22 mln. AQSh dollaridan 0,5 mln. AQSh dollarigacha) va kungaboqar urug‘i (2,6 baravar, 9,4 mln) kabi tovarlarni yetkazib berish hajmining kamaygani bilan izohlanadi.