Магистратурада ҳам бир нечта йўналиш бўйича ҳужжат топшириш амалиётини жорий этиш таклиф қилинди

Жамият 09:12 / 27.03.2020 3048

“Менинг фикрим” жамоавий мурожаатлар порталида магистратурада бир нечта йўналиш бўйича ҳужжат топшириш амалиётини жорий этиш ҳақида петиция жойлаштирилди.

Қайд этилишича, сўнгги йилларда олий таълим муассасаларининг бакалавр босқичига абитуриентларнинг бир нечта йўналишлар бўйича ҳужжат топшириб, танловда иштирок этиш тартиби жорий этилди. 

“Мазкур тартибни магистратура йўналишлари учун хам татбиқ этиш керак. Шунингдек, магистратурага ҳам ҳужжатларни онлайн тарзда топшириш амалиётини йўлга қўйиш кўплаб қулайликларни яратган бўлар эди”, - деб ёзади мурожаат муаллифи.

Юқоридагиларни инобатга олган ҳолда, магистратурада ҳам бир нечта йўналиш бўйича онлайн тарзда ҳужжат топшириш амалиётини жорий этиш таклиф қилинган.

Кўпроқ янгиликлар