“Oskar” topshirilishi marosimi ikkinchi yil boshlovchisiz o‘tadi

“Oskar” kinomukofoti topshirilishi marosimi 2020 yilda ham 2019 yildagi kabi boshlovchisiz o‘tadi. Bu haqda mukofotni topshiruvchi AQSh kinosan'atlari akademiyasining tvitterdagi xabarida ma'lum qilingan.   

Akademiya xabarida kinotaqdimot dasturiga “yulduzlar chiqishi va syurprizlar” qo‘shilishiga va'da berilgan. Ammo boshlovchini bildiruvchi belgi qizil rangli aylanaga olinib, ustidan chiziq tortib qo‘yilgan.   

“Joriy yilda ham boshlovchi bo‘lmasligini akademiya bilan birga tasdiqlashga ijozat bergaysiz”, deb keltirgan The Hollywood Reporter nashri ABC telekompaniyasi rahbariyati a'zosi Keri Berkning so‘zlarini. 

Akademiya saytida hozircha bu borada rasmiy bayonot berilmagan. 

2019 yilda “Oskar” topshirilishi marosimi 30 yil ichida birinchi marta boshlovchisiz o‘tgandi. Marosimga boshlovchilik qilishi kerak bo‘lgan aktyor Kevin Xart uning nomiga gomofobiyada ayblovlar bildirilgandan keyin boshlovchilikdan voz kechgan.

Bungacha “Oskar” 1989 yildagina boshlovchisiz o‘tgan. O‘shanda boshlovchining kirish nutqi o‘rniga 11 daqiqalik musiqiy kinolavha taqdim etilgan. 1958 yilda esa marosimni birvarakayiga 4 boshlovchi, 1987 yilda esa 3 boshlovchi olib borgan.

“Oskar” mukofotlarini topshirish 92-marosimi 9 fevralda Los-Anjyelesda bo‘lib o‘tadi, uni olishga nomzodlar esa 13 yanvarda e'lon qilinadi.