Joriy yilning 19 dekabr soat 13:45larda Toshkent shahri Yunusobod tumani Amir Temur ko‘chasi 5-uyning orqa tomonidagi quduq ichidan 55-60 yoshlardagi noma'lum erkak kishining jasadi topilgan. 

Postda.uz nashrining xabar berishicha, tashqi ko‘rinishidan jasadga jarohat yetkazilmagan.

Sud-tibbiy ekspertizasiga yuborilgan jasad kimga tegishli ekanligini, marhumning shaxsini aniqlash choralari ko‘rilmoqda.

Surishtiruv ishlari prokuratura organlari tomonidan olib borilmoqda.