«Одамларнинг умри узайишини хоҳлаймиз» — Самарқанд, Бухоро ва Қаршида Zartek диализ маркази очилди

Жамият 17:00 / 05.12.2019 15963

Самарқанддаги машҳур Zarmed тиббий маркази ўз фаолиятини кенгайтирмоқда. Бу машҳур марказ Самарқанд, Бухоро ва Қаршидаги филиалларида турк инвесторлари билан ҳамкорликда Zartek диализ марказини очди.

Замонавий технологиялар билан жиҳозланган бу марказларда буйрак етишмовчилигидан азият чекаётган беморлар амбулатор шароитда даволанишлари мумкин.

Самарқанддаги марказда бир вақтнинг ўзида 12 та Gambro AK-98 гемодиализ аппарати беморларнинг қонини тозалайди. Zartek`нинг Бухородаги марказида бундай аппаратлардан 8 та, Қаршида эса 10 та ўрнатилган. Бу ускуналар буйракдаги зарарли моддаларни тозалайди.

Туркиялик инвесторларнинг айтишича, улар Ўзбекистондаги лойиҳаларини давом эттиришади. Улар Zarmed билан ҳамкорликда онкология радиотерапия марказини ҳам очишларини айтишди. Zarmed раҳбари Дилшод Шукуруллаевнинг айтишича, марказнинг мақсади одамларнинг саломатлигини яхшилаш: «2019 йилнинг «Фаол инвестициялар ва ижтимоий ҳимоя йили» деб эълон қилиниши биз каби тадбиркорлар учун йўл кўрсаткичдир. Биз одамларнинг умри узайишини хоҳлаймиз», дейди марказ раҳбари.

4 декабрь куни Самарқандда Zartek диализ марказининг очилиш маросими ўтказилди. Унда соғлиқни сақлаш вазирлиги ва вилоят соғлиқни сақлаш бошқармасидан вакиллар қатнашди. Унда қатнашган шифокорлар бундай марказларнинг бўлиши одамларнинг саломатлиги учун зарур эканини таъкидлашди.

Очилиш маросимида буйрак касалликлари бўйича россиялик шифокорлар ҳам қатнашди. Улар очилиш маросимидан сўнг «Буйрак етишмовчилигини даволашда замонавий ёндашув» мавзусида матбуот анжуманида қатнашиб буйрак касалликларини даволашда қонни тозалаш қанчалик муҳим эканини айтишди.

Zartek клиникасидаги гемодиализ аппаратларини малакали шифокорлар бошқаради. Аппаратларга келадиган сув учун махсус филтр ўрнатилган ва бу филтрни Туркияда малака ошириб келган махсус инженер бошқараётганига гувоҳ бўлдик. Zarmed ва Туркиянинг Tek Group корхонаси ҳамкорлигида очилган диализ марказига бежизга Zartek деб ном қўйилмаган. Икки корхонадан дастлабки ҳарфлари олиниб, шундай ном танланган. Tek Group ушбу лойиҳа учун 500 минг АҚШ доллари миқдорида инвестиция киритган. Яна 500 минг доллар Zarmed томонидан сарфланган.

Дарвоқе, бундай турдаги қонни тозалаш ускуналари ташкилотчиларнинг айтишларича, Ўзбекистонда фақат давлат тиббиёт муассасаларида бўлган ва хусусий клиникаларда бундай имконият бўлмаган.

Хуллас, янги очилган диализ марказида иш аъло даражада ташкил этилган. Сизни ҳам буйрак касалликлари қийнаётган бўлса, Zartek марказларига мурожаат қилинг.

Филиал №1: Самарқанд шаҳри, Исаева кўчаси, 14.

Телефон:

+99866 2336226
+99897 5766226
+99897 2857871

Филиал №2: Бухоро шаҳри, Намозгоҳ кўчаси, 261.

Телефон:

+99865 2266400
+99890 6116400

Филиал №3: Қарши шаҳри,Ислом Каримов кўчаси, 474.

Телефон:

+99875 2263500
+99890 2443500
+99875 2263500

Реклама ҳуқуқи асосида

Кўпроқ янгиликлар