Apple’ning bosh dizayneri, kompaniyaning ko‘plab, jumladan, Mac, iPod va iPhone qurilmalari dizayni uchun mas'ul bo‘lgan Jonatan Ayv kompaniyani tark etdi. Bu haqda The Verge nashri xabar berdi. 

Ayv kompaniyadagi faoliyatini 1992 yildan boshlagan, 1996 yildan esa uning bosh dizayneri bo‘lib ishlab kelgan. 

Iyunda Apple Ayv kompaniyani o‘z loyihasi LoveFrom’da ishlash uchun 2019 yil davomida tark etishini ma'lum qilgandi. 

Endilikda kompaniya mahsulotlari dizayni uchun bungacha operatsion direktor lavozimini egallagan Jyeff Uilyams javob beradi.