Москва-Фарғона авиарейсида ўзбекистонлик йўловчи вафот этди

Жамият 19:50 / 08.11.2019 31637

Москванинг Домодедово аэропортидан Фарғонага рейс бажарган самолёт йўловчининг ўлими сабабли Самарада фавқулодда қўнишни амалга оширди. Бу ҳақда Самара аэропорти матбуот хизматига иқтибос келтирган ҳолда “РИА Новости” ахборот агентлиги хабар берди.  

Маълум қилинишича, Домодедово-Фарғона йўналиши бўйича SVR2419 рейсини бажарган самолёт йўловчилардан бирининг соғлиги ёмонлашгани сабабли Самарадаги “Курумоч” аэропортига қўнишга мажбур бўлган.  

Шифокорлар самолётга етиб келишганда, йўловчи вафот этиб бўлган.

Дастлабки маълумотларга кўра, вафот этган йўловчи Ўзбекистон фуқароси бўлган. Унинг ўлимига инфаркт сабаб бўлган.  

Аввалроқ, 6 ноябрь кечки вақт “Ўзбекистон ҳаво йўллари”нинг Пекин-Тошкент йўналиши бўйича учган (HY-502 рейс) самолёти йўловчилардан 5 нафари - Ўзбекистоннинг 3 фуқароси ҳамда Россиянинг 2 фуқароси соғлиги ёмонлашгани сабабли Гансу провинциясининг Ланчжоу шаҳри аэропортига фавқулодда қўнишига тўғри келганди. Йўловчиларга самолёт қўнганидан кейин биринчи тиббий ёрдам кўрсатилган ва улар шаҳар клиник шифохонасига жойлаштирилган. Шундан кейин самолёт 7 ноябрь эрталаб Тошкентга учиб кетган.

Кўпроқ янгиликлар