Марказий Осиёдаги фуқаролиги бўлмаган шахсларнинг асосий қисми Ўзбекистон ҳиссасига тўғри келади — ИИВ

Жамият 10:34 / 08.11.2019 3379

ИИВ Миграция ва фуқароликни расмийлаштириш бош бошқармаси бошлиғи биринчи ўринбосари Нодир Зияев 7 ноябрь куни АОКАда бўлиб ўтган матбуот анжуманида маълум қилишича, 1991-2016 йиллар давомида атиги 482 нафар, 2016 йилдан 2019 йилнинг сентябрига қадар 8054 нафар фуқаролиги бўлмаган шахсга фуқаролик берилган.

Тадбирда Ўзбекистон Президентининг 2018 йил 25 октябрдаги ПҚ–3982-сонли қарори, Вазирлар Маҳкамасининг 2019 йил 11 февралдаги 113-сонли қарори ижросини таъминлаш мақсадида ИИВ томонидан янги таҳрирдаги «Ўзбекистон Республикасининг фуқаролиги тўғрисида» қонун лойиҳаси ишлаб чиқилгани, лойиҳа айни пайтда Олий Мажлис Қонунчилик палатасида кўриб чиқилаётгани ҳақида маълумот берилди.

«Қонун лойиҳасида Ўзбекистон ҳудудига 1995 йил 1 январга қадар доимий яшаш учун келган шахсларнинг фуқаролигини тан олиш кўзда тутилган. Қонун қабул қилинса, у мамлакатда доимий яшаётган 49228 нафар, яъни фуқаролиги бўлмаган шахсларнинг 50,6 фоизига  фуқаролик берилиши учун асос бўлади», дея Нодир Зияевнинг сўзларини келтирмоқда Kun.uz мухбири.

 

Кўпроқ янгиликлар