17 oktabr kuni taxminan soat 13:00da Sergeli tumanida noma'lum shaxs xalqaro aeroport yonidagi avtoturargohda bo‘la turib, 40 yoshli M.S. tomonidan qarovsiz qoldirilgan sumkani o‘g‘irlab ketgan. 

Jabrlanuvchining gaplariga qaraganda, sumkadan 500 AQSh dollari bo‘lgan. Bu haqda Toshkent shahar IIBB xabar qilmoqda. 

Ushbu fakt asosida O‘zbekiston Respublikasi Jinoyat kodeksining 169-moddasi (“O‘g‘rilik”) bo‘yicha jinoiy ish qo‘zg‘atildi. Gumonlanuvchining shaxsini aniqlash va qo‘lga olish bo‘yicha choralar ko‘rilmoqda.

“Hurmatli hamshaharlar va Toshkent mehmonlari! Jamoat joylarida shaxsiy buyumlaringizni qarovsiz qoldirmang”, - deyiladi IIBB xabarida.