«Ўзавтосаноат» АЖ стартап-лойиҳалар танловини эълон қилади

Жамият 12:18 / 10.10.2019 8437

Сиз ёшсиз, қобилиятлисиз ва IT, E-Auto и Smart City соҳаларида кўрсатишга арзигулик нарсангиз борми? Унда бу – ўзингизни намоён этишнинг ажойиб имконияти!

«Ўзавтосаноат» АЖ UzAuto Market инновацион платформасида стартап-лойиҳалар танловини эълон қилади!

Мукофот жамғармаси: 60 000 000 сўм.

Энг яхши учта лойиҳа муаллифлари қуйидагиларга эга бўладилар:

I ўрин – 30 000 000 сўм;

II ўрин – 20 000 000 сўм;

III ўрин – 10 000 000 сўм.

Танлов шартлари мукофот маблағларини ўз ихтиёрига кўра, ташкилотчилар олдида бирор-бир мажбуриятни зиммасига олмай, тасарруф этиш имконини беради.

Танловдаги эътиборга олинувчи мезонлар: ишланмаларингиз воқеий ва тижорий жиҳатдан ўзини оқлайдиган, шунингдек потенциал жорий этишга тайёр бўлиши лозим. Лойиҳалар технологияси фойда ва иқтисодий самара келтириши – харажатлар камайиши, жараёнларнинг оптимизацияси ва сотувлар ошишига олиб келиши лозим. Асосийсини унутманг: ечимларингизни тахмин қилинаётган самарадорлик кўрсаткичларига эга бизнес-маҳсулот ўрамига қадоқланг.

Ариза топшириш учун сиз электрон анкетани тўлдиришингиз ва ғоянгизни махсус шакл ёрдамида йўллашингиз керак бўлади. Комиссияга ўз лойиҳасининг тайёр синов намунасини тақдим қилган танлов иштирокчиларига афзаллик берилади.

Барча аризалардан 20та энг яхши стартап лойиҳалари танлаб олинади, уларнинг тақдимотини муаллифлар жорий йил 31 октябрда Тошкент шаҳри, Бектемир тумани, Ҳусайн Бойқаро кўчаси, 28а-уй манзилидаги UzAuto Market инновацион стартап-платформа ҳудудида ўтказишлари мумкин.

Тақдимотлар якунига кўра, эксперт комиссияси учта энг чуқур ўйланган ва истиқболли лойиҳани танлаб олади, уларнинг муаллифлари бош мукофотлар соҳибига айланадилар.

Аризалар 27 октябрь, соат 24:00гача қабул қилинади.

Эслатиб ўтамиз, тўлақонли UzAuto Market стартап-майдончаси – бу Ўзбекистондаги ёшларга ўз ғояларини автомобилсозлик учун янги маҳсулотлар ишланмаларида рўёбга чиқариш имконини берувчи биринчи ноёб лойиҳадир. Майдонча ҳам мамлакатимиз, ҳам ундан ташқаридаги ёшларни жамлаб, бугунги кунда ғоядан бизнесга сари мустақил ва чет инвестицияларисиз йўл босишга қийналаётган кашфиётчиларга ёрдам беради. Стартап-платформа – бу ишлаб чиқувчилар, ишлаб чиқариш заводлари ва харидорлар ўртасидаги ҳамкорликнинг янгича шакли бўлиб, бевосита ўзаро алоқа асосида амалга оширилади.

Инновацион ечимларингизни кутиб қоламиз!

«Ўзавтосаноат» АЖ Матбуот хизмати

Кўпроқ янгиликлар