Peterburgda «taqirboshlar» o‘zbekistonlik muhojirga pichoq bilan hujum qildi

Jamiyat 12:44 / 18.09.2019 42037

Peterburg huquq-tartibot idoralari xodimlari O‘zbekiston fuqarosini o‘ldirishga urinishda gumon qilingan ikki kishini qo‘lga oldi. Bu haqda Rossiya Federatsiyasi Tergov qo‘mitasining shahar bo‘yicha boshqarmasi matbuot xizmati xabar berdi.

Tergov ma'lumotlariga ko‘ra, 2019 yil 16 sentyabrdan 17 sentyabrga o‘tar kechasi Sredneoxtinskiy ko‘chasidagi uylardan birining yaqinida gaz ballonchasi va pichoq bilan qurollangan ikki erkak O‘zbekiston fuqarosini o‘ldirish maqsadida unga hujum qilishgan. Hujum qilganlar erkakka bir necha marta pichoq urishgan, so‘ng voqea joyidan yashirinishgan.

Jabrlanuvchi kasalxonaga yotqizilgan.

Olib borilgan tergov harakatlari natijasida huquq-tartibot idoralari xodimlari Rossiyaning ikki fuqarosini qo‘lga olishdi. Ta'kidlanishicha, gumondorlar taqirboshlar (skinxed) bo‘lib, millatchilik qarashlariga egadir.

Foto: 78.ru

Millatchilik sabablarga ko‘ra qotillikka urinish moddasi bo‘yicha jinoiy ish qo‘zg‘atildi. Tergov davom etmoqda.

Ko‘proq yangiliklar: