«Ипак Йўли» банки яшил иқтисодиётни молиялаштириш учун Европа тикланиш ва тараққиёт банки билан 5 млн АҚШ долларлик шартнома имзолади

Жамият 14:30 / 11.09.2019 3693

АИТБ Ипак Йўли ва Европа тикланиш ва тараққиёт банки ўртасида имзоланган шартнома Ўзбекистондаги кичик корхоналарга яшил иқтисодиётни молиялаштириш механизмига (GEFF) йўл очиб, энергия самарадорлигини ва қайта тикланадиган энергия манбаларига сармоя киритиши имкониятини яратди.    

Ушбу механизм кичик ва хусусий корхоналарга энергия сарфи, иссиқхона газлари чиқиндиларини камайтиришга мўлжалланган технологияларни, шунингдек, иқлим ўзгаришга мослашиш ва унинг таъсирини камайтира оладиган технологияларни молиялаштириш учун маблағлар ажратади. 

Ипак Йўли банки GEFF доирасида ЕТТБнинг биринчи шерик банкига айланди, ҳамда хусусий компанияларга кредит ажратиш учун ўзбек сўми эквивалентида 5 млн АҚШ долларига тенг кредит линиясини жалб қилди. Маблағлар энергия тежайдиган ускуналар, иссиқлик изоляцияси, фотоэлектрик қуёш панеллари, геотермал иссиқлик насослари ва сувни тежайдиган суғориш тизимлари каби яшил технологияларга йўналтириладиган инвестицияларни ўз ичига олади. Ушбу кредит линияси доирасида лойиҳа ташабусскорларига энергия самардорлиги соҳасидаги халқаро экспертларнинг бепул маслаҳатлари тақдим этилади, бу эса Ипак йўли банки мижозларига ўз корхоналарида илғор халқаро тажрибани жорий этишга имкон беради. 

Шуни ҳам таъкидлаш лозимки, ЕТТБ кредит линиясининг асосий афзалликларидан бири муваффақиятли амалга оширилган лойиҳаларнинг ташаббускорларига мақбул лойиҳа кредит миқдорининг 10 дан 20 фоизигача миқдорида грант маблағлари берилишидир.

Реклама ҳуқуқи асосида

Кўпроқ янгиликлар