Туркия Россиядан С-400 мажмуаларининг биринчи партиясини олди (видео)

Жаҳон 20:16 / 12.07.2019 18860

Туркия мудофаа вазирлиги Россиядан С-400 зенит-ракета мажмуаларининг етказилиши бошланганини маълум қилди. Бу ҳақда Anadolu ахборот агентлиги хабар берди.

Агентлик маълумотларига кўра, С-400 қисмларидан иборат илк юк Анқарадаги “Мюртед” авиабазасига етказилган. 

EPA-EFE / Туркия Мудофаа вазирлиги
EPA-EFE / Туркия Мудофаа вазирлиги

Туркия мудофаа вазирлигининг расмий фотосуратларида С-400 мажмуалари таркибига кирувчи бир нечта шатакчи ва транспорт-қувватлаш машинаси тасвирланган. 

Туркияга С-400’нинг 4 та дивизионини етказишга шартнома 2017 йил декабрда имзоланганди.

EPA-EFE / Туркия Мудофаа вазирлиги

Бу Вашингтоннинг норозилигига сабаб бўлган ва у Анқарага мажмуаларни сотиб олганлик учун санкциялар жорий қилиш билан таҳдид қилган. 

EPA-EFE / Туркия Мудофаа вазирлиги

Бироқ Осакада ўтган G20 саммитидан кейин Туркия президенти Ражаб Тоййиб Эрдўған АҚШ президенти Дональд Трамп Анқарага санкциялар киритмасликка ваъда берганини маълум қилган.

Аввалроқ Туркия С-400 мажмуаларини Сурия билан чегарада жойлаштиришни режалаштираётгани маълум қилинганди.

Кўпроқ янгиликлар