20 iyun kuni “O‘ztransgaz” AJ Farg‘ona viloyati hududiy gaz ta'minoti filialida “Kuz-qish mavsumiga tayyorgarlik. Gazdan foydalanishda xavfsizlik va tejamkorlik omillari” mavzuida  Press-tur va Respublika seminari tashkil etdi. Anjumanda “O‘ztrasgaz” AJ ma'sul xodimlari, mutaxassislar, ommaviy axborot vositalari hamda keng jamoatchilik vakillari qatnashdilar.

Jamiyat tadbir davomida 2019-2020 yillarda kuz-qishga tayyorgarlik chora-tadbirlari, gazdan xavfsiz va oqilona foydalanish borasida jurnalistlarga axborot berib, Farg‘ona shahridagi aholi xonadonlarida foydalanilayotgan tejamkor uskunalar va isitish tizimlari, shuningdek, zamonaviy gaz uskunalaridan foydalanayotgan tadbirkorlar faoliyati bilan tanishtiruv o‘tkazdi.

Press-tur so‘ngida bo‘lib o‘tgan ochiq muloqotda jamiyat mutasaddilari jurnalistlar va  aholi vakillari tomonidan berilgan murojaatlarga javob berdilar.   

Elmurod Ermatov, Farg‘ona
KUN.UZ muxbiri