Хитойда Самарқанднинг савдо ва инвестицион салоҳияти намойиш этилди 

Иқтисодиёт 16:12 / 10.04.2019 4943

Хитой Халқ Республикасига хизмат сафари билан борган Самарқанд вилояти делегацияси аъзолари Хэнан провинциясида иш бошлаган XIII савдо ва инвестициялар халқаро ярмаркасида Самарқанднинг савдо ва инвестицион салоҳиятини намойиш этишди. 

Фото: Самарқанд вилоят ҳокимлиги матбуот хизмати

Вилоят ҳокимлиги матбуот хизматининг Kun.uz’га маълум қилишича, мазкур ярмаркада тадбиркор ва ишбилармонлар томонидан ишлаб чиқарилган маҳсулотлар намойиши билан бир қаторда тадбиркорлик учун яратилган шарт-шароитлар, вилоятнинг иқтисодий ва инвестицион салоҳияти кўргазмали воситалар асосида тақдимот қилинди. Бир қатор хорижий тадбиркор ва ишбилармонлар билан музокаралар олиб борилди.

Фото: Самарқанд вилоят ҳокимлиги матбуот хизмати

Шунингдек, Хэнан провинциясининг маҳаллий тадбиркорлари иштирокида бизнес-форум ўтказилди. Бизнес форум давомида самарқандлик тадбиркорлар инвестицион лойиҳалари ҳақида маълумот бериб, ҳамкорлик олиб бориш масаласида хитойлик тадбиркорлар билан музокаралар ўтказишди ҳамда қатор меморандум ва шартномалар имзолашга эришилди. 

Фото: Самарқанд вилоят ҳокимлиги матбуот хизмати

Делегация аъзоларининг ХХРга ташрифи давом этмоқда.

Кўпроқ янгиликлар