Toshkentda bo‘lib o‘tadigan USENET 2019 sanasi e'lon qilindi

Fan-texnika 17:51 / 28.03.2019 2774

USENET 2019 oltinchi xalqaro digital-konferensiyasi 16 may kuni poytaxtning International Hotel Tashkent mehmonxonasida bo‘lib o‘tadi. Shakllangan an'anaga ko‘ra, bu yil ham konferensiyada O‘zbekistondan, shuningdek, yaqin qo‘shni mamlakatlar – Qozog‘iston va Rossiyadan tashrif buyurgan ma'ruzachilar ishtirok etadi. O‘tgan yili ushbu anjumanning to‘liq bir kunida 1200 dan ziyod tinglovchilar ishtirok etgan edi. 

Headliner chiqishlar an'anasiga ko‘ra yaqin xorijiy davlatlardan ekspertlar ham ishtirok etadi. Ma'ruzachilarning ism-sharifi va ma'ruzalarning aniq mavzulari keyinchalik konferensiyaning rasmiy sayti – USENET.UZ da e'lon qilinadi. 

Konferensiya O‘zbekistonning yetakchi media-agentligi – Ledokol Group kompaniyasi tomonidan tashkil etilmoqda.  USENET 2019 konferensiyasining Bosh homiysi – Beeline Uzbekistan kompaniyasi. Mazkur tadbir O‘zbekiston Respublikasi Axborot texnologiyalari va kommunikatsiyalarini rivojlantirish vazirligining ko‘magida o‘tkaziladi.

USENET – O‘zbekistonda har yili o‘tkaziladigan yagona internet-konferensiya bo‘lib, tadbir sahnasi 20 dan ziyod mahalliy va xalqaro ekspertlarni o‘zida jamlaydi. Konferensiya 2011 yildan buyon o‘tkazib kelinmoqda.

Tinglovchi sifatida ro‘yxatdan o‘tish imkoni yaqin bir necha hafta davomida USENET.UZ konferensiyaning rasmiy saytida hamda rasmiy Telegram kanali - @usenet2019 da mavjud bo‘ladi.

USENET 2019 yangiliklari bilan quyidagi ijtimoiy tarmoqlarda kuzatib boring:

Facebook: https://www.facebook.com/usenetuz/

Telegram: https://t.me/usenet2019

Agarda siz konferensiyada ma'ruzachi sifatida ishtirok etishni istasangiz, tashkilot nomi/ma'ruzachining ismi, shuningdek, ma'ruza mavzusi qayd etilgan arizani quyidagi raqamga yuboring: +99890 315-00-03 (Telegram).

Ko‘proq yangiliklar: