LADA Uzbekistan: Божхона фаолияти самараси ютуқларда намоён

Иқтисодиёт 13:45 / 08.03.2019 48962

LADA UZBEKISTAN компанияси азиз ва мунис хотин-қизларимизни 8 Март айёми билан чин қалбдан табриклайди. Ҳар бир нозик қалб эгасига мустаҳкам саломатлик, бахт-омад ва тинчлик-хотиржамлик ҳамроҳ бўлишини тилаб қолади!

Бугунги кунда Республикамизда ташқи иқтисодий фаолиятни либераллаштириш, инвестицион жозибадорликни ошириш ва мамлакатнинг экспорт салоҳиятини мустаҳкамлаш бўйича давлатимиз раҳбарияти ва мутасадди идоралар томонидан қатор ишлар амалга оширилиб келинмоқда.

Ҳурматли Президентимиз Шавкат Миромонович Мирзиёевнинг 2018 йил 24 ноябрь кунидаги “Божхона маъмуриятчилигини такомиллаштириш ва Ўзбекистон Республикаси Давлат божхона хизмати органлари фаолияти самарадорлигини ошириш бўйича қўшимча чора-тадбирлар тўғрисида”ги ПФ-5582 сон Фармонига асосан, бугунги кунда Давлат божхона қўмитаси ва унинг таркибий тузилмалари томонидан товарларни божхона расмийлаштирувидан ўтказилишида янги хавфни бошқариш тизими қўлланилиб келинмоқда.

Мазкур тизим биз каби тадбиркорлик фаолияти билан шуғулланиб келаётган шахсларга божхона расмийлаштирувини қисқа муддатларда ва самарали амалга ошириш имкониятини яратди.

Хусусан, биз томондан божхона расмийлаштирувига тақдим қилинаётган товар ва транспорт воситалари ўз хусусиятига қараб “сариқ”, “қизил” ва “яшил” йўлакларга тақсимланиб, божхона расмийлаштируви ортиқча кутишларсиз 30 дақиқадан 1 кунгача тўлиқ амалга оширилиб келинмоқда.

Шу билан бирга, расмийлаштирув учун юборилган электрон божхона юк декларацияларни ДБҚнинг расмий www.customs.uz сайти орқали БЮДнинг рўйхатдан ўтган вақти, қандай йўлакда расмийлаштирув амалга оширилаётганлиги ва расмийлаштирув вақтларини “online” режимда кузатиб бориш имконияти яратилган бўлиб, бу ҳам ўз навбатида тадбиркорлар учун қулайликлар яратади.   

Божхона расмийлаштирувида қўлланилаётган мазкур тизим ва бошқа янгиликлар божхона ходимларининг тадбиркорларнинг ташқи иқтисодий фаолиятини ортиқча маъмурий тўсиқларсиз самарали назорат қилиши, шунингдек, ташқи иқтисодий фаолият иштирокчиларини божхона қонунчилигига риоя этишларига ундаб, ҳалол рақобат муҳитини шакллантиришига ишонч билдирамиз.

Бугунги кунда LADA UZBEKISTAN компанияси божхона маъмуриятчилигида қўлланилаётган тизимни бир овоздан қўллаб қувватлаб, ДБҚ ва Тошкент шаҳар божхона бошқармаси ходимларига, хусусан жамиятимиз томонидан божхона расмийлаштируви амалга оширилаётган “Тошкент-товар” ТИФ божхона постининг ходимларига ўз миннатдорчилигини билдиради. 

Божхона маъмуриятчилигида қўлланилаётган тизим яратувчиларига ҳамда тадбиркорлик субъектларининг фаолиятини қўллаб қувватлашга ўзини муносиб ҳиссасини қўшиб келаётган ҳар бир божхона ходимининг фаолиятига муваффақиятлар тилаймиз. 

Шу билан бирга, мамлакатимиз иқтисодий ҳаётида ўзининг ҳалол меҳнати билан фаол қатнашиб келаётган ҳар бир тадбиркорлик субъектларини бугунги кунда яратилаётган имкониятлардан унумли фойдаланишга, шу билан бирга давлат раҳбарияти ва давлат органлари томонидан юритилаётган сиёсатни қўллаб қувватлашга ундаб қоламиз.

LADA Uzbekistan

Кўпроқ янгиликлар