«Grand Pharm Trade» хорижий фармацевтика ишлаб чиқарувчиларининг қизиқишини забт этмоқда

Иқтисодиёт 17:42 / 07.03.2019 11312

Жорий йилнинг 26-28 февраль кунлари Москва шаҳрида ЕИИ ҳамда MДҲ мамлакатларининг 10-юбилей  Фармацевтика форуми бўлиб ўтди. Унда барча МДҲ давлатларидаги фармацевтика соҳасига оид масалалар, Ўзбекистон, Қозоғистон, Молдова, Беларус, Арманистон, Озарбойжон, Қирғизистон, Украина ва Грузия дори бозорининг тенденциялари муҳокама қилинди.

Мазкур фармацевтика форуми барча МДҲ мамлакатларининг фармацевтика бозори иштирокчиларини бир ерга йиғувчи ягона тадбирдир. Маълумотларга бой бўлган уч кун давомида соҳа профессионаллари ҳамда Евроосиё иқтисодий иттифоқи, Евроосиё иқтисодий комиссияси, МДҲ давлатлари регуляторлари  250 дан ортиқ дори препаратлари, бошқарувдаги сўнгги ўзгаришлар ва соҳанинг ривожланиш тенденцияларини муҳокама қилишди. 

2019 йилда ташкилотчилар асосий эътиборни ўзбек фармацевтика маҳсулотларига қаратишди. Ўзбекистон бозори ҳозирги кундаги муҳим ижобий ўзгаришларни бошдан кечирмоқда. 26 февраль куни назорат қилувчи органлар, дистрибьюторлар, халқаро ва маҳаллий дори ишлаб чиқарувчи компаниялардан иборат 20 нафар маърузачи Ўзбекистонда фармацевтика соҳасини ривожлантириш бўйича ўз қарашларини баён қилишди. Белгиланган учрашувлар доирасида барчага «Grand Pharm» ва «Best Pharm» сифатида танилган Ўзбекистоннинг энг катта фармацевтика дистрибьютерлик компанияларидан бири «Grand Pharm Trade» ўз тақдимотини намойиш этди. Компания республика бўйлаб кенг турдаги дори воситаларини арзон нархларда тақдим этиб келмоқда. 

«Grand Pharm Trade» компанияси бошқарув директори А.Шамсутдинов Форум иштирокчиларига бизнесни ривожлантириш учун республикада яратилган шароитлар, давлат органлари томонидан тадбиркорлик субъектларини қўллаб-қувватланиши, шунингдек, республика валюта бозори ва солиқ қонунчилигининг либераллашуви ҳақида маълумотлар берди.

Бундан ташқари, А.Шамсутдинов компаниянинг республика фармабозорида етакчи ўринга чиқишга сабаб бўлган 2018 йил сарҳисоблари, шунингдек, 2019 йилги ривожланиш режалари билан таништирди. Маълум бўлишича, жорий йилда катта эътибор «Grand Pharm» ва «Best Pharm» брендлари остида дорихона тармоқларини ҳудудий кенгайтириш, маҳсулот турларини кўпайтириш, шунингдек, нарх-наводаги ҳамёнбоплик ҳамда очиқликни сақлаб қолишга қаратилади.

А.Шамсутдинов чиқиши якунида Европа, Осиё ва МДҲ мамлакатларининг таниқли ишлаб чиқарувчилари «Grand Pharm Trade» компанияси билан ҳамкорлик қилиш учун катта қизиқиш билдиришди. Учрашув доирасида ҳамкорликни ривожлантириш тўғрисида шартнома белгиланди ва Ўзбекистон бозорига киришни режа қилган йирик компаниялар билан  ўзаро келишув меморандумлари имзоланди.

«Grand Pharm Trade» МЧЖ
Реклама ҳуқуқи асосида

Кўпроқ янгиликлар