ХВЖ миссияси Ўзбекистонга ташрифи натижалари бўйича якуний баёнот эълон қилади

Иқтисодиёт 08:02 / 05.03.2019 4166

Халқаро валюта жамғармаси миссияси 2019 йил февраль ойидан мартгача бўлган даврда Ўзбекистонга сўнгги ўзгаришлар ва истиқболларни ўрганиш, мамлакат иқтисодиётини янада ривожлантириш бўйича таклифларни ишлаб чиқиш мақсадида ташриф буюрди.

Молия Вазирлиги ахборот хизмати хабарига кўра, Тошкентда халқаро жамғарма катта молиячиси Алберт Егер бошчилигидаги делегация Ўзбекистон Республикаси Молия ва Иқтисодиёт вазирликлари, Марказий банк, Давлат солиқ қўмитаси, Бош прокуратура ва бошқа идораларда қатор учрашувлар ўтказди. Муҳокамалар ривожланиш устуворлиги, таркибий ислоҳотлар, пул-кредит сиёсати, молиявий ва солиқ тизимларига, Давлат бюджети ва унинг параметрларини 2019 йилда бажариш каби мавзуларга қаратилди.

Яқин вақт ичида Халқаро валюта жамғармаси Миссиянинг Ўзбекистонга ташрифи натижалари бўйича якуний баёнот эълон қилади. 

Маълумот учун: якуний баёнотда ХВЖ миссияси сафари якунлари бўйича дастлабки натижалар кўрсатилади. Бундай ташрифлар Халқаро Валюта Жамғармаси маблағларидан фойдаланиш тўғрисидаги сўров билан боғлиқ равишда ХВЖнинг IV моддаси бўйича мунтазам (одатда йиллик) маслаҳатлашувлар доирасида, шунингдек Жамғарма ходимлари назорати остида ўтказилган дастур муҳокамалари давомида ёки ХВЖ томонидан бошқа иқтисодий мониторингнинг бир қисми сифатида амалга оширилади.

Кўпроқ янгиликлар