«KAFOLAT sugʻurta kompaniyasi» акциядорлик жамияти «International Underwriting Association of London» (IUA) Ҳалқаро ассоциациясига аъзо бўлди

Иқтисодиёт 12:00 / 04.03.2019 1398

Бугунги кунда мамлакатимиз суғурта бозорининг кескин суръатлар билан ривожланиб боришига гувоҳ бўлмоқдамиз. Давлатимиз томонидан суғурта тизимида ислоҳотларни жадаллаштириш, республикамизда ривожланган суғурта инфратузилмасини яратиш борасида салмоқли қадамлар ташланмоқда. Суғурта фаолиятининг иқтисодиёт барқарорлигини таъминлаш ҳамда бозор муносабатлари шароитида уни ривожлантириш муҳимлигини ҳисобга олиб, ҳукуматимиз мунтазам равишда суғурта секторини ривожлантиришни қўллаб-қувватламоқда.

Бу ижобий ўзгариш жараёнлари ҳалқаро ҳамжамият эътиборидан четда қолмаяпти. S&P Global Ratings  ва Fitch Ratings ҳалқаро рейтинг ташкилотлари барқарор прогнозлари билан «ВВ-» даражасидаги Ўзбекистоннинг илк халқаро суверен кредит рейтингларини белгилади. Натижада жорий йилнинг январь ойида Fitch Ratings ҳалқаро рейтинг агентлиги томонидан «KAFOLAT sugʻurta kompaniyasi» AJга берилган «В+» даражасини «ВВ-» (барқарор) даражасига кўтаришига туртки бўлди.

«KAFOLAT sugʻurta kompaniyasi» AJ Ўзбекистон суғурта бозорини етакчи суғурта бозорларида танитиш ҳамда ҳалқаро суғурта оламида ўз ўрнига эга бўлиш мақсадида бир қатор ишларни амалга оширди. Жумладан, компания ҳодимлари томонидан суғуртанинг «юраги» ҳисобланган, Буюк Британиянинг пойтахти – Лондонда жойлашган «International Underwriting Association of London» (IUA) вакиллари билан олиб борилган музокаралар натижасида «KAFOLAT sugʻurta kompaniyasi» AJ Ўзбекистон суғурта компаниялари ичида биринчи бўлиб ушбу Ҳалқаро ассоциациянинг аъзолари сафига киришга эришди.

Ушбу Ассоциация 1998 йил 31 декабрда Лондоннинг ҳалқаро суғурта ва қайта суғурта бозори Ассоциацияси (LIRMA) ва Лондон суғурталовчилар Институти (the Institute of London Underwriters) бирлашуви натижасида юзага келган. Ассоциация аъзолари Лондоннинг суғурта ва қайта суғурта бозоридаги барча етакчи компаниялари ҳисобланади, ушбу суғурта компанияларнинг йиллик суғурта мукофоти миқдори 10 млрд. фунт стерлингдан кам эмас.

IUA га аъзо бўлиш «КAFOLAT sugʻurta kompaniyasi» AJ учун қатор имкониятларни яратади, жумладан:

  • Халқаро алоқаларни ривожлантириш;
  • Халқаро Андеррайтинг Ассоциациясининг интернет саҳифаси ва нашрларида «КAFOLAT sug‘urta kompaniyasi» AJнинг аъзо сифатида танилиши;
  • Ҳар йили июнь ойида Лондонда IUA томонидан ташкил этиладиган Ассоциация аъзолари билан бирга йиллик учрашувда иштирок этиш;
  • Дунё суғурта бозори ҳақида статистик маьлумотлар билан танишиш.

«KAFOLAT sugʻurta kompaniyasi» AJ нинг «International Underwriting Association of London» (IUA) иштирокчилари сафига қўшилиши Ўзбекистон суғурта бозори вакилларининг жаҳон суғурта аренасига чиқишидан далолатдир.

«KAFOLAT sugʻurta kompaniyasi» AJ матбуот хизмати

Реклама ҳуқуқи асосида

Кўпроқ янгиликлар