Андижонда “Умид ва ишонч кўприги” ошкора ва бепул телефон тармоқлари ишга туширилди  

Жамият 14:29 / 18.02.2019 4646

Андижон вилоятининг Бўз туманида аҳоли ва юридик шахслар мурожаатларини ўрганиш  учун ўзгача қулайлик яратилди. Туманнинг 4 та сектор ҳудуди -  Ғолиб, Гулистон, Пиллакор, Гузар  МФЙ ўрамларида “Умид ишонч кўприги” ошкора ва бепул телефон тармоқлари  ишга туширилди, деб хабар берди Андижон ИИБ матбуот хизмати.

Фото: Андижон ИИБ матбуот хизмати

Тизим орқали фуқаролар ўзларини қийнаб келаётган муаммолар борасида сектор раҳбарларига ҳамда тумандаги бошқа ташкилот мутасаддиларига тўғридан-тўғри телефон орқали мурожаат қилишлари мумкин. 

Фото: Андижон ИИБ матбуот хизмати

Мазкур телефон тармоқлари 24 соат мобайнида иш фаолиятида бўлиб, фуқароларнинг мутасаддилар қабул кунларини кутмасдан мурожаат қилишларига имконият яратди.  Ушбу масканларда вилоят ва туманда фаолият юритувчи барча ташкилотларнинг алоқа учун керакли бўлган маълумоти жамланган.   

Фото: Андижон ИИБ матбуот хизмати

Қайд этиш жоизки, туманда 70 минг нафарга яқин аҳолидан таркиб топган 25 та маҳалла фуқаролар йиғини мавжуд  бўлиб,  ҳудудда аҳоли пунктлари бир биридан тарқоқ ва марказдан узоқда жойлашган. 

Фото: Андижон ИИБ матбуот хизмати
Кўпроқ янгиликлар