Rossiyada o‘z poyoniga yetib qolgan jahon chempionatining final uchrashuvida jahon kubogini maydonga tantanali ravishda rossiyalik model Natalya Vodyanova va nemis futbolchisi, 2014 yilgi jahon chempioni Filipp Lam olib chiqishadi. Bu haqda FIFA saytida ma'lum qilindi.
Kubok maxsus keysda joylashtiriladi. Keysning zamogi va ilgagi ruteniy metallidan tayyorlangan bo‘lib, bu metall Rossiya sharafiga shunday atalgan va kimyoviy elementlar davriy jadvalida Ru simvoli bilan belgilangan.
Final 15 iyulda Moskvadagi “Lujniki” stadionida bo‘lib o‘tadi. Unda Fransiya va Xorvatiya jahon chempioni unvoni uchun kurash olib boradi.
