KUN.UZ Samarqandga boradi va viloyat hokimi bilan suhbat uyushtiradi: murojaatlar qabul qilinmoqda

KUN.UZ tahririyati O‘zbekiston viloyatlari bo‘ylab safarlarni davom ettiradi, yaqin kunlarda Samarqand viloyatiga safar mo‘ljallangan. Ushbu safar davomida viloyat rahbarlari bilan uchrashuv o‘tkazish maqsad qilingan. Viloyat aholisi rahbariyatga savol, taklif yoki shikoyatlarini sayt orqali yo‘llashi mumkin bo‘ladi.

Samarqand viloyati hokimi Turobjon Jo‘rayev bilan o‘tkazilishi rejalashtirilgan uchrashuvda aholini ko‘proq qiziqtirgan savollarga javob olish va dolzarb muammolarga e'tibor qaratish ko‘zda tutilgan. Tilga olinmagan savol, taklif va shikoyatlar viloyat hokimining qo‘liga shaxsan topshiriladi.

Savol, taklif va shikoyatlarni qabul qilish vaqti chegaralangan.

Murojaatlarni ushbu havola orqali yoki info@kun.uz elektron manziliga yuborish mumkin!

Eslatma: Siz bilan qayta bog‘lanishimiz uchun murojaatingizda ism-familiya va manzilingizni to‘liq yozib, ishonchli telefon raqamini ilova qiling.