Bugun, 22 fevral kuni o‘zbekistonlik internet foydalanuvchilari ma'lum vaqt davomida Facebook va Instagram ijtimoiy tarmoqlariga kira olishmadi.
Bunday muammo kunning birinchi qismida, Toshkent vaqti bilan soat 11:20da Rossiya, Polsha, Daniya, Shvetsiya va Filippinda kuzatildi.
Toshkent vaqti bilan soat 16:00da O‘zbekistonda ham uzilish kuzatila boshlandi. Xuddi shu vaqtda AQSh, Fransiya, Rossiya, Ispaniya va Yaponiyadagi internet foydalanuvchilari Instagram ijtimoiy tarmog‘idagi nosozliklardan shikoyat qilishgan.
