Шавкат Мирзиёев Қозоғистон билан тузилган энергетика соҳасидаги битимни тасдиқлади

Ўзбекистон 20:01 / 12.02.2018 14193

Ўзбекистон президенти Шавкат Мирзиёев Халқаро шартномаларни тасдиқлаш тўғрисидаги қарорини имзолади. Унга кўра, Ўзбекистон ва Қозоғистон ҳукуматлари ўртасида 2017 йилнинг сентябрида Тошкентда имзоланган энергетика соҳасидаги баъзи масалаларда ҳамкорлик қилиш тўғрисидаги Ҳадли битим тасдиқланди.

Энди Ўзбекистон Ташқи ишлар вазирлиги мазкур халқаро шартнома кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилгани ва уни амалга ошириш юзасидан ваколатли масъул орган тўғрисидаги тегишли билдиршномани йўллайди.

Ўзбекистон Республикаси Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин белгиланган тартибда Ўзбекистон Республикасининг мажбуриятлари бажарилиши устидан назоратни таъминлайди.

Мазкур қарор ижросини назорат қилиш Ўзбекистон Республикаси бош вазири ўринбосари - "Ўзбекнефтгаз" АЖ бошқаруви раиси А.А.Султонов зиммасига юкланган.