Bitkoin kursi 10  ming dollarga yetgandan bor-yo‘g‘i bir kun o‘tib 11 ming dollardan oshdi. Mutaxassislar 2018 yil boshida bitkoin kursi 30-50 foizga pastlashi mumkinligidan ogohlantirishmoqda.

Shu tariqa, kriptovalyuta narxi bir kun ichida 10 foizga, ya'ni ming dollarga oshgan. 24 noyabrda bitkoinning narxi 8 ming dollar bo‘lgan. Bitkoin yil boshidan 11 martaga qimmatlagan, uning kapitallashuvi 182 mlrd dollardan oshgan.   

Mutaxassislar bitkoin kursining jadal qimmatlashishini bozorga yangi pullar kelgani va bu kriptovalyutaga Chikagodagi birjada fyucherslar yo‘lga qo‘yilishi bilan bog‘lashmoqda. 

“Bitkoin kursi oshishiga Koreya, Yaponiya va AQSh sarmoyachilarining qiziqishi sabab bo‘lmoqda. Ular aynan shu kunlar bitkoinni xarid qilishgan. Agar fyuchers, so‘ngra  ETF joriy qilinsa, bitkoin kursi yanada balandroq bo‘ladi”, deb aytgan Exante onlayn-broker ijrochi direktori.