O‘zbekiston Respublikasi Prezidentining 2017 yil 2 sentabrda qabul qilingan “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida”gi PF-5177-sonli Farmoni O‘zsanoatqurilishbank tizimida aholidan chet el valyutasini sotib olish va sotish xizmatlari tobora kengaytirilishiga zamin yaratdi.
Xususan, Siz O‘zsanoatqurilishbankning respublikamiz hududi bo‘ylab barcha filiallarida tashkil qilingan valyuta ayriboshlash shoxobchalari orqali naqd xorijiy valyuta mablag‘laringizni cheklanmagan miqdorda milliy valyutaga ayriboshlashingiz mumkin!
Xuddi shunday, Siz O‘zsanoatqurilishbank tizimida tashkil qilingan konversiya bo‘limlari orqali o‘zingizga zarur bo‘lgan xorijiy valyuta mablag‘larini hech qanday cheklovlarsiz xalqaro (konversion) plastik kartalaringizga naqdsiz shaklda sotib olishingiz uchun barcha qulayliklar yaratilgan.
Bu borada shuni alohida ta'kidlash joizki, jismoniy shaxslar xorijiy valyutani sotib olish uchun o‘z istaklariga ko‘ra naqd yoki naqdsiz shaklda (plastik kartalar orqali) to‘lov qilishlari mumkin.
Yana bir yangilik, endilikda Sizlar o‘z xalqaro (konversion) plastik kartadagi mablag‘laringizni chet eldagi yaqinlaringizning xalqaro (konversion) plastik kartalariga o‘tkazishingiz mumkin!
Barcha O‘zbekiston fuqarolari o‘zlarining xalqaro (konversion)plastik kartadagi xorijiy valyuta mablag‘laridan chet elda hech qanday cheklovlarsiz foydalanishlari, to‘lovlarni amalga oshirishlari yoki mablag‘larini naqd shaklda yechib olishlari mumkin.
Aziz yurtdoshlar!
Biz Sizga va yaqinlaringizga ko‘makdoshmiz!
O‘zsanoatqurilishbank – Vaqt davomida sinalgan ishonch!
Reklama huquqi asosida
