Hindistonda "Vkontakte" ijtimoiy tarmog‘i to‘sib qo‘yildi. Bunga mamlakatda o‘z joniga qasd qilishga olib boruvchi "Ko‘k kit" singari "o‘yinlar" avjolgani sabab bo‘ldi, deb yozmoqda The Times of India.

Foydalanuvchilar ijtimoiy tarmoqqa kirishga urinish chog‘ida manzilning to‘silgani haqida xabar chiqmoqda. Shu bilan birga, "Vkontakte"ga Idea va Vodafone kabi mobil tarmoqlar orqali kirish mumkin bo‘lmoqda.

Gazetaning Elektronika va axborot texnologiyalari vazirligidagi manbalari ijtimoiy tarmoqqa kirishning cheklanganini tasdiqlar ekan, uning vaqtinchalik chora ekanini aytishgan. 

"Vkontakte" vaqtincha to‘sib qo‘yildi. Biz bilamizki, ushbu tarmoqdan "Ko‘k kit" foydalangan. Bu o‘yin qanchalik tarqalganini aniqlamoqchimiz. Tergovchilar "Ko‘k kit" bilan aloqasi bor bo‘lishi ehtimol o‘z joniga qasd qilish holatlarini va jinoyatchilar qanday faoliyat yuritishganini aniqlaydi", - degan vazirlik mulozimi.