«Paxtakor» stadionida qurilish ishlari keyingi yilda boshlanadi

«Paxtakor» vitse-prezidenti Umid Ahmatjonov jamoaga navbatdagi legioner, avstraliyalik Rostin Griffits transfer qilingani munosabati bilan bugun o‘tkazilgan matbuot anjumanida klub faoliyati bilan bog‘liq holatlarga to‘xtalib o‘tdi.

«Yosh o‘yinchilarimizni boshqa klublarga berib yuborishimiz sababi bizda yetarli zaxira bor. Akademiyamiz yaxshi ishlayapti. Pand yeb qolmaymiz.

Sidiqovning transferiga kelsak, boshqa klublar bilan do‘stona aloqalarni yo‘lga qo‘yyapmiz. Shu sababli uni qo‘yib yubordik. Qolaversa, akademiya faoliyatini qaytadan ko‘rib chiqyapmiz.

Bosh murabbiyimiz juda tajribali. Uning tanlagan futbolchilari kuchli va professional. Agar legionerlar murabbiyni qoniqtirmasa, boshqa futbolchilarni olamiz.

Stadionimizda qurilish ishlari boshlanadi. Bunga besh-olti oy vaqt kerak bo‘ladi. Hozir Turkiya, Gollandiya, Avstriyadagi stadionlar o‘rganib chiqilmoqda. «Paxtakor» ikkinchi davrani o‘z stadionida o‘tkazadi», deya uning so‘zlarini keltirgan klub rasmiy sayti.