Zamonamizning eng yaxshi murabbiylari aniqlandi. Gvardiola yetakchi

Fransiyaning L’Équipe nashri zamonamizning eng yaxshi murabbiylari reytingini e'lon qildi.

Nashrning 33 jurnalisti ishtirok etgan mazkur so‘rovnoma orqali dunyoning top-50 murabbiyi ro‘yxati shakllantirildi.

Unga ko‘ra, «Barselona» va «Bavariya» klublari sobiq bosh murabbiyi, hozirda «Manchester Siti»ga ustozlik qilayotgan Xosep Gvardiola yetakchilik qilmoqda.

Kataloniyalik murabbiy reytingda «Chelsi» bosh murabbiyi Antonio Konte va «Atletiko» ustozi Diyego Simeoneni ortda qoldirib ketgan.

L’Équipe talqiniga ko‘ra, dunyoning eng zo‘r murabbiylari reytingi top-10ligi quyidagicha ko‘rinish olgan:

1. Xosep Gvardiola («Manchester Siti»)
2. Antonio Konte («Chelsi»).
3. Diyego Simeone («Atletiko»)
4. Karlo Anchelotti («Bavariya»)
5. Joze Mourino («Manchester Yunayted»)
6. Massimiliano Allegri («Yuventus»)
7. Yoaxim Lyov (Germaniya terma jamoasi)
8. Zinedin Zidan («Real»)
9. Leonardu Jardim («Monako»)
10. Yurgen Klopp («Liverpul»).