Hyundai kompaniyasi yangi modeli, Yevropa bozorlariga mo‘ljallangan ixcham yo‘ltanlamas - Kona deb nomlanishi haqida ma'lum qildi. Yangilik Havayi orolidagi tumanlardan biri sharafiga nomlangan.

Koreya avtomobil ishlab chiqaruvchisi yo‘ltanlamas tizerini ham taqdim etdi, unda uning farasi tasvirlangan. Yangilik Hyundai’ning Yevropadagi to‘rtinchi yo‘ltanlamasiga aylanadi.

Yangi model haqida batafsil ma'lumotlar keyinroq taqdim etiladi.

Avvalroq Hyundai A va V segmentlariga mo‘ljallangan ikkita ixcham yo‘ltanlamasni ishlab chiqishni rejalashtirayotgani haqida xabarlar tarqagandi. Bundan tashqari, kompaniya Grand Santa Fe’ning sakkiz o‘rinli variantini ham chiqarishni rejalashtirgan.