Microsoft kompaniyasi firma do‘konlarida Samsung Galaxy S8 va S8+ smartfonlarini o‘z dasturiy ta'minoti o‘rnatilgan holda sotishni rejalashtirmoqda. 

Samsung Galaxy S8 Microsoft Edition telefoniga hozirdanoq buyurtma berish mumkin. Buning uchun Microsoft kompaniyasining AQShdagi chakana savdo do‘konlariga murojaat qilish lozim. Smartfonlarda Microsoft dasturiy ta'minotidan o‘rin olgan ilova va xizmatlar mavjud bo‘ladi. Ularni foydalanuvchi Wi-Fi tarmog‘iga ulanishi bilan yuklab, o‘rnata oladi, deb yozmoqda DigitalTrends.

Aytish joizki, Samsung Galaxy S6 va S7 telefonlariga Microsoft kompaniyasining ayrim ilovalari, xususan, Skype, OneDrive va OneNote kabilar o‘rnatilgan edi. Ular S8 smartfonining oddiy namunasida ham bo‘ladi. Microsoft Edition modelida Outlook pochta xizmati va Cortana ovozli yordamchisi o‘rnatiladi. 

Texnik jihatdan Samsung Galaxy S8 Microsoft Edition bir qarashda smartfonning Android namunasidan umuman farq qilmaydi.