AQSh terma jamoasining bayroqdori, mashhur suzuvchi Maykl Felps Olimpiada ochilish marosimini suzish bo‘yicha musobaqalarga yaxshiroq tayyorlanish maqsadida yakunlanishigacha tark etdi. Suzish bo‘yicha musobaqalar 6 avgustdan boshlanadi. Bu haqda "Sinxua" axborot agentligi ma'lum qildi. 

31 yoshli sportchi Olimpiada ochilish marosimida birinchi marotaba qatnashdi, u avvalgi marosimlarni mashg‘ulotlarga yaxshiroq tayyorlanish istagi sababli o‘tkazib yuborgandi.

Avvalroq suzuvchi Braziliyadagi Olimpiada uning faoliyatidagi oxirgisi bo‘lishini ma'lum qilgandi. Felps 5 ta Olimpiadada ishtirok etgan va Olimpiadalar tarixida eng unvoni ko‘p sportchi hisoblanadi: uning hisobida 22 ta medal bo‘lib, ulardan 18 tasi oltin, 2 tasi kumush va 2 tasi bronza medalidir. U bu medallarni 2004, 2008 va 2012 yilgi o‘yinlarda qo‘lga kiritgan.    

Olimpiadaning birinchi kuni, 6 avgustda o‘q otish, velosport (shosse), kamondon o‘q uzish, dzyudo, qilichbozlik, og‘ir atletika va suzish bo‘yicha musobaqalar boshlanadi.