Braziliyaning Rio-de-Janeyro shahrida bo‘lib o‘tadigan yozgi Olimpiada o‘yinlarida qatnashadigan O‘zbekiston sport delegatsiyasi Braziliyaga uchib ketdi. Bu haqda O‘zbekiston milliy axborot agentiligi xabar bermoqda.

Manbada aytilishicha, sportchilarni Rioga kuzatish uchun O‘zbekiston milliy Olimpiya qo‘mitasi raisi Mirabror Usmonov va «O‘zbekiston havo yo‘llari» milliy aviakompaniyasi bosh direktori V.Tyanlar ham Toshkent xalqaro aeroportida jam bo‘lishgan.

5 avgust kuni boshlanadigan yozgi Olimpiada o‘yinlarida O‘zbekistonlik sportchilar akademik eshkak eshish, badiiy gimnastika, baydarka va kanoeda eshkak eshish, boks, dzyudo, yengil atletika, og‘ir atletika, sport gimnastikasi, stol tennisi, suzish, taekvondo (WTF), tennis, trampolin, o‘q otish, erkin va yunon-rum kurashi kabi sport turlari bo‘yicha musobaqalarda qatnashadi.