Sankt-Peterburgda yuz bergan kuchli shamol «Krestovskiy» stadioni tomining bir qismini uchirib ketdi.
Hodisa joyida olingan suratlarda qurilishi chala qolgan stadionning yuqori qismida metall bo‘laklari osilib qolganini ko‘rish mumkin.
Shahar vitse-gubernatori Igor Albinning so‘zlariga ko‘ra, montaj ishlari tugallanmagan vaqtda kuchli shamol turishi oqibatida yopilishi tugallanmagan tomning bir qismi ko‘chib tushgan. Hodisa oqibatlarini bartaraf etish uchun ishchilar yana bir necha soat davomida harakat qilishgan.
Yakshanba kuni kechqurun Sankt-Peterburgda kuchli shamol turib, jala quygan.
Manba: Tribuna.uz
