Ispaniyalik tennischi Rafael Nadal Rio-de-Janeyrodagi Olimpiada o‘yinlarining yakkalik bahslarida ishtirok eta olmasligi mumkin. Bu haqda Cadena Ser xabar berdi.

Xabarda 2008 yilgi Olimpiada chempioni faqat juftlik bahslarida ishtirok etishi mumkinligi aytilgan. Nadal jarohatidan to‘la forig‘ bo‘la olmagan.

U may oyida Fransiya ochiq chempionati vaqtida jarohat olgandi.

Bundan oldinroq, yana bir kuchli tennischi, shveysariyalik Rodjyer Federer jarohat tufayli mavsumning qolgan qismini o‘tkazib yuborishi ma'lum qilingandi.