«Manchester Yunayted» «Yuventus» bilan fransiyalik yarim himoyachi Pol Pogbaning transferi borasidagi muzokaralarni davom ettirmoqda.

Gianlucadimarzio.com ma'lumotiga ko‘ra, angliyaliklar klubi futbolchi uchun 110 million yevro va bonuslar ko‘rinishida 10 million yevro to‘lashni nazarda tutuvchi shartnoma taklif etgan. Ammo turinliklar bu taklifga rozi bo‘lmagan.

Bundan tashqari, «Yuventus»ning «Napoli»dan Gonsalo Higuainni olishi Pogbaning sotilishi evaziga ro‘y bermayotgani keltirilgan. Turinliklar Higuainning transferi uchun Mario Lemina, Simone Dzadza va Roberto Pereyraning sotuvidan tushgan mablag‘ni ajratishni mo‘ljallagan.

Manba: Tribuna.uz