Yaponiyada maktab o‘quvchilari Tokio-2020 olimpiadasi boshlanishiga 4 yil qolgan kunni nishonlashdi. Marosim Tokio shahri aeroporti hududida o‘tkazilgan. Bu haqda Associated Press xabar tarqatdi.

Yaponiyalik maktab o‘quvchilari guruhi 2000tadan ortiq origami va qog‘oz turnalardan globus yasashgan. Marosimda 1964 yilgi olimpiadada og‘ir atletika bo‘yicha chempion bo‘lgan Yesinobu Miyake, Tokio gubernatori o‘rinbosari Takashi Yamamoto hamda sobiq gubernator Yeiti Masudzoe ishtirok etgan.

Xalqaro olimpiya qo‘mitasi tanloviga ko‘ra, Tokio shahri Istanbul va Madrid shaharlarini ortda qoldirib, 2020 yilgi Olimpiada mezbonligiga ega bo‘lgandi.

Tokiodagi Yozgi Olimpiada 2020 yilning 24 iyulidan 9 avgustiga qadar bo‘lib o‘tadi.