Qirg‘izistonda yilning birinchi yarmida 972 kishi korrupsiya bilan bog‘liq jinoyat yuzasidan javobgarlikka tortildi. Bu haqda 23 iyul kuni mamlakat Bosh prokuraturasida bo‘lgan yig‘ilishda aytib o‘tilgan.

Prokuraturaning barcha organlari 297 jinoiy ish qo‘zg‘atgan. Tahlillar yer qonunchiligi bilan bog‘liq holatlarda eng ko‘p qonun buzilishi uchraganini ko‘rsatgan. Keyingi o‘rinlarda poraxo‘rlik va davlat mulkini o‘zlashtirish holatlari qayd etilgan.

Bolalar bilan bog‘liq qonunlarni bajarish holatlari o‘rganilganda 1078 holatda prokuror tekshiruvi akti tuzilgan. 826 kishi javobgarlikka tortilgan, 15 ta jinoyat ishi qo‘zg‘atilgan.