Afg‘oniston poytaxtida sodir etilgan portlash natijasida kamida 10 kishi halok bo‘ldi va yana shuncha kishi yaralandi. Bu haqda mamlakat IIV ma'lumotiga asoslanib, Reuters agentligi xabar bermoqda.

Agentlik ma'lumotiga ko‘ra, portlash xudkush-terrorchi tomonidan amalga oshirilgan.

Tolo News telekanalining xabar berishicha, Kobuldagi ommaviy namoyishlar chog‘ida ikki marta portlash ovozi eshitilgan.
So‘nggi ma'lumotlarga ko‘ra, halok bo‘lganlar soni 20 kishini, jabrlanganlar soni esa 170 kishini tashkil qilmoqda. Bu haqda mamlakat sog‘liqni saqlash vazirligi bayonot bergan.