Rasmiy Anqara davlat to‘ntarishiga urinish tashkilotchiligida ayblanayotgan Fathulloh Gulenni topshirishini so‘rab AQShga rasmiy so‘rov yuborgan. Bu haqda Turkiya bosh vaziri Binoli Yildirim ma'lum qildi.

"Biz AQShga terrorchining (Gulen - tahr.) topshirilishi masalasida murojaat qildik va rasmiy so‘rov bilan murojaat qildik. Adliya vazirligi 4 papkadan iborat hujjatni AQShga yuborgan", degan Yildirim 

Turkiyada harbiylar davlat to‘ntarishi e'lon qilganidan keyin prezident Rajab Toyib Erdo‘g‘an harbiy to‘ntarishning g‘oyaviy rahbari va tashkilotchisi sifatida aynan Gulenni aytgandi. 

O‘z navbatida, AQSh Davlat kotibi Jon Kerri Anqaradan buning dalillarini talab qildi.

Sobiq imomning o‘zi esa unga qo‘yilayotgan barcha ayblovlarni rad etgan va aksilkonstitutsiyaviy to‘ntarishni qo‘llab-quvvatlamasligini bildirgan.