Germaniyada 17 yoshli afg‘onistonlik bolta bilan poyezd yo‘lovchilariga hujum qilganida Hongkong fuqarosi jarohatlangan. Bu haqda China Daily Asia xabar tarqatdi.
Qayd etilishicha, hujum vaqtida poyezd vagonida hongkonglik kishilar bo‘lgan, ulardan 4 nafari bir oila vakillari.
Ulardan 2 nafari jiddiy jarohat olgan.
Germaniyadagi Vyurtsburg shahri yaqinida 17 yoshli afg‘onistonlik poyezd yo‘lovchilariga bolta bilan hujum qilishi natijasida jami 14 kishi jarohatlandi. Politsiyachi uni otib tashladi.
