Uimbldon-2016 musobaqasining g‘olibi va dunyoning ikkinchi raketkasi britaniyalik Endi Marrey Torontodagi “Masters” turniridagi ishtirokini bekor qildi. U tanaffus qilib, Rio-de-Janeyrodagi Olimpiya o‘yinlariga jiddiy tayyorgarlik ko‘rmoqchi.

“Mening badanim so‘nggi oydagi ko‘plab turnirlarning finalida ishtirokim sababli qayta tiklanish uchun tanaffus qilishga muhtoj. O‘zimning kanadalik muxlislarimdan uzr so‘rayman va keyingi yili ushbu musobaqaga kelishni istayman”, – dedi Marrey.

Ma'lumot uchun, Torontodagi turnir 23 iyuldan 31 iyulga qadar davom etadi.