Momaqaldiroq Moskva va Kaluga viloyatidagi 70dan ortiq aholi punktining elektr ta'minotini ishdan chiqardi. Hozirga kelib, deyarli barcha aholi punktlarida elektr ta'minoti qayta tiklangan. Bu haqida TASS agentligi mahalliy FVV ma'lumotiga asoslanib, xabar qildi. 

 “Noqulay kelgan ob-havo sharoiti natijasida Moskva viloyati, Ruz tumanidagi sakkizta aholi punktida 2,2 ming kishi istiqomat qiluvchi 240 ta uy elektr tokisiz qoldi. Podmoskove Elektrostalida esa 34 ta uydagi 3 ming kishi chiroqsiz qoldi. Kaluga viloyatining 62 ta aholi punktida 3,8 ming kishi yashovchi 1,8 ming turar joy elektr ta'minotidan mahrum bo‘ldi”, - dedi FVV vakili. 

Hozirda Elektrostal va Kaluga viloyatida elektr ta'minoti to‘liq qayta tiklangan. Ruz tumanidagi tiklash ishlari esa kechqurun yakunlanadi.