Xitoyning LeEco korporatsiyasi XXRga yetkazib berish maqsadida Baykal suvini xarid qilish rejasini bildirdi. Biroq, hozircha Rossiyaning Irkutsk viloyati va LeEco o‘rtasida kelishuv imzolanganicha yo‘q.
Ekspertlarning qayd etishlaricha, Baykal suvini Xitoyga eksport qilishni istagan kompaniya ko‘l yaqinida o‘z zavodini barpo etishi lozim. Hozirda, u yerda kompaniya talabini qondira oladigan yirik ishlab chiqarish quvvati mavjud emas, borlari xalqaro sifat me'yorlariga javob bermaydi.
Mutaxassislarning fikricha, sifati jahon talablariga mos keladigan mahsulot ishlab chiqaruvchi zavodni qurish uchun 1 mlrd rublga yaqin mablag‘ talab etiladi.
