Bugun FIFA terma jamoalarning iyul oyi reytingini e'lon qildi. Unga ko‘ra O‘zbekiston terma jamoasi 569 ochko bilan 56-o‘rinda joylashgan. Qayd etish kerakki, O‘zbekiston terma jamoasi o‘tgan oyga nisbatan 10 pog‘ona yuqorilagan.

Bu O‘zbekiston terma jamoasining joriy oyda o‘rtoqlik uchrashuvlari o‘tkazmagani va mag‘lubiyat tufayli ochko yo‘qotmagani evaziga yuz berdi.

OFK terma jamoalari orasida O‘zbekiston Yaponiya va Avstraliyani ortda qoldirgan holda Eron va Janubiy Koreyadan so‘ng uchinchi o‘rinda qayd etilgan.

Umumiy reytingni Argentina terma jamoasi 1585 ochko bilan boshqarib bormoqda. Keyingi o‘rinlarda Belgiya, Kolumbiya, Germaniya va Chili bormoqda. Yevropa chempionligini qo‘lga kiritgan Portugaliya terma jamoasi 2 o‘rin yuqorilab, 6-o‘ringa ko‘tarilgan. Fransiya 7-o‘rinda joylashgan.

Reytingning to‘liq ko‘rinishi bilan FIFA rasmiy saytida tanishish mumkin.

1. Argentina (1585)
2. Belgiya (1401)
3. Kolumbiya (1331)
4. Germaniya (1319)
5. Chili (1316)
6. Portugaliya (1266)
7. Fransiya (1189)
6. Ispaniya (1165)
9. Braziliya (1156)
10. Italiya (1155)
...
39. Eron (674)
48. Janubiy Koreya (592)
56. O‘zbekiston (569)
57. Yaponiya (564)
59. Avstraliya (555)
65. Saudiya Arabistoni (540)
74. BAA (484)
78. Iordaniya (438)
79. Qatar (425)
81. Xitoy (422)
99. Iroq (354)