«Manchester Yunayted» jamoasining sobiq bosh murabbiyi Aleks Fergyuson «Real» hujumchisi, Portugaliya terma jamoasi safida Yevropa chempionatida g‘olib bo‘lgan Krishtianu Ronaldu haqidagi fikrlarini bildirib o‘tdi.

«Futbol – Ronalduning ehtiroslari bilan uyg‘unlashadi. U har bir mashg‘ulotni sabrsizlik bilan kutadi. U hamisha hammadan zo‘rligini isbotlashga, hamisha g‘alaba qozonishga intiladi. U katta o‘yinlarni jonidan ortiq ko‘radi.

Men va Ronaldu «MYu»daligimizda u o‘zining tinimsiz shug‘ullanishi orqali rivojlanib bordi. U hamisha zarba berish texnikasi ustida ishlar, o‘ng oyoqda, chap oyoqda va boshida zarbalar yo‘llar edi.

Bugungi atletizm, tezkorlik birinchi o‘rinda bo‘lgan zamonaviy futbolda u o‘zining o‘yinini naqadar rivojlantirganiga qarab faqat hayratlanish mumkin.

Odatda futbolchilar o‘zining eng yaxshi o‘yinlarini 5-6 yil davomida namoyish qilishadi. Keyin esa to‘xtashadi. Ronaldu esa 10 yil davomida barqaror darajada o‘ynab kelmoqda.

Har bir avlodning alohida futbolchisi bo‘ladi. Hozirgi avlodda bu Ronaldu», – deya Fergyusonning so‘zlarini keltiradi Goal.com nashri Bild nashriga asoslanib.

Manba: Tribuna.uz