2016 yil Braziliyada o‘tadigan Olimpiada o‘yinlariga Fransiya vakillari sportchilari miqdori bo‘yicha rekord ko‘rsatkichni qayd etdi. Bu haqda Fransiya milliy olimpiya qo‘mitasi matbuot xizmati xabar bermoqda.

Olimpiada o‘yinlariga Fransiyadan qatnashuvchi sportchilar soni 396 nafar bo‘lib, shundan 228 nafar erkaklarni, 168 nafarini esa ayollar tashkil etadi. Avvalgi rekord darajasi 1992 yilda o‘tgan Olimpiada o‘yinlari vaqtida qayd etilgan bo‘lib, o‘shanda fransuzlar 352 sportchi bilan musobaqada ishtirok etishgan edi. 2012 yilda Londonda o‘tkazilgan Olimpiada o‘yinida esa ular soni 332  nafarni tashkil qilgan edi.

Eslatib o‘tamiz, Olimpiada o‘yinlari Braziliyaning Rio-de-Janeyro shahrida 5-21 avgust kunlari bo‘lib o‘tadi.